Námskeið í gerð árangursríkra styrkumsókna.

Hátíðarsal Háskóla Íslands 6. nóvember 2014 kl. 9.30 – 14.00
Leiðbeinandi: Robert Porter, PhD.

Námskeiðsgjald er 10.000. Veitingar og námskeiðsgögn eru  innifalin í verðinu.
Skráningar skulu berast fyrir mánudaginn 3. nóvember.  Skráning

Rannís og Félag rannsóknastjóra á Íslandi standa fyrir námskeiði í gerð árangursríkra styrkumsókna. Á námskeiðinu verður farið yfir undirstöðuatriði í gerð árangursríkra umsókna en námskeiðið er sérstaklega miðað að þeim sem eru að stíga sín fyrstu skref í umsóknargerð. Farið verður yfir skilgreiningu verkefnis og hvernig styrkumsóknir eru ritaðar. Samanburður verður gerður á hefðbundnum akademískum texta og texta í styrkumsóknum. Skilgreindar verða algengar gildrur sem sem geta fellt umsókn og þátttakendum gefin góð ráð um hvernig hægt er að forðast þær. Sérstök áhersla verður lögð á að svara spurningunni hvernig eigi að skrifa umsókn þannig að hún falli í kramið hjá sem meta umsóknir.
Á námskeiðinu verður m.a. farið yfir:
§  Alvarlegustu mistök við gerð styrkumsókna og hvernig má varast þau
§  Tvö mikilvæg skref sem geta tvöfaldað möguleika á árangri
§  Hvernig maður kemur sér í mjúkinn hjá matsmönnum
§  Einfaldar leiðir til að skrifa betri styrkumsóknir
§  Myndir: að selja hugmyndir með myndrænni framsetningu
Leiðbeinandi á námskeiðinu er Bandaríkjamaðurinn Robert Porter, PhD
Robert Porter er þekktur fyrirlesari og námskeiðshaldari og hefur haldið námskeið um umsóknaskrif á alþjóðavettvangi í fjölda ára. Áður starfaði hann sem forstöðumaður rannsóknaþróunardeildar University of Tennessee. Robert Porter er handhafi Distinguished Faculty Award sem veitt eru af Alþjóðasamtökum rannsóknastjóra. Hann er með rúmlega 30 ára reynslu sem prófessor, ráðgjafi og rannsóknastjóri og hefur m.a. í gegnum störf sín fengið rúmlega 8 milljónir dollara í styrki frá opinberum- og einkasjóðum.  Robert Porter PhD, er með háskólagráðu í munnlegum samskiptum eða speech communication.